أشاد الناقد الرياضي عمرو الدردير بمحمد صلاح نجم ليفربول الإنجليزي ومنتخب مصر بعد أداءه رفقة الفراعنة في أمم أفريقيا.
وفاز منتخب مصر على منتخب بنين بنتيجة 3-1 في دور ال16 من بطولة كأس أمم أفريقيا حيث سجل محمد صلاح الهدف الثالث في الدقيقة 4+120.
وقال الدردير عبر موقع "فيسبوك":" صلاح بيتعامل معاملة خاصة؟ حقه ياجدع دا وجوده في الملعب أصلا إضافة للمنتخب حتى لو مش في كامل مستواه واديك شوفت في آخر لحظه خطف جول وهتحصل كتير الماتشات الجايه إن شاء الله".
وتابع:" ياعزيزي انت بتفرح لما تلاقي ميسي وكرستيانو أساسيين مع الأرجنتين والبرتغال وتقول حقهم يحطوا التشكيل كمان رغم انهم مشطبين كورة من فترة ولا عشان ده صلاح وفي مصر يعني مستكترها عليه ؟ انت مفكر هيجي زيه تاني".
وأضاف:" ياعزيزي لازم تفهم ان صلاح هو اللاعب التاريخيّ لبلدك ولقارتك وكتير مكنش يسمع عننا غير بعد ظهور الراجل ده فمعلش يعني يستحق كل الدعم ونشيله فوق رأسنا لحد آخر لحظه مهما كان".
ونجح الفراعنة بالفوز على بنين في التأهل لربع نهائي بطولة أمم أفريقيا.
